Təşkilatımızın prioriteti dünya xalqlarının Azərbaycanın milli-mənəvi irsi, ənənələri və mədəniyyəti ilə tanış olmasından və ölkəmizdə yaşayan xarici vətəndaşların zəngin tariximiz, mədəniyyətimiz və incəsənətimizi tanımasından ibarətdir.

Müxtəlif kurslar və seminarlar, dəyirmi masalar və görüşlər, konfranslar, sərgilər təşkil edir, xeyriyyə marafonları, forumlar və bir çox digər tədbirlər keçiririk.

Biz birliyin üzvü olan hər bir xarici vətəndaşla interaktiv qarşılıqlı əlaqə qururuq.

Bu kontekstdə klassik və konseptual incəsənət sərgilərində iştirak, Muzey mərkəzi, bədii qalereyalar, teatrlar ilə əməkdaşlıq, Azərbaycanın görkəmli mədəniyyət xadimləri ilə müntəzəm görüşlərin təşkili mədəniyyətimizin ölkəmizdə yaşayan əcnəbilər arasında təbliğatının daha effektiv olmasına şərait yaradacaq.

Biz dünya mədəniyyətlərinin dəyərini dərk etməyi öyrənsək, bir-birimizi olduğumuz kimi daha yaxşı başa düşməyi və qəbul etməyi öyrənəcəyik

Azərbaycan mədəniyyətinin müxtəlif sahələrinə aid maarifləndirici tədbirlər keçiririk

Zəngin mədəni irsimizlə tanış olmaq, Azərbaycanın qədim bölgələrini, onların memarlığını və orada yaşamış tarixi şəxsiyyətlərin həyatını öyrənmək üçün könüllülərimizin rəhbərliyi ilə qrup tədbirləri, həmçinin bələdçilərlə gəzintilər təşkil edirik.

Bakı, Qarabağ və ölkəmizin digər regionlarına səfərlər çərçivəsində ənənəvi bayram və festivallarda iştirak (folklor festivallar (Novruz bayramı), Nar Bayramı festivalı, Qəbələ musiqi festivalı) və maddi mədəniyyət obyektlərinə səyahət (İçərişəhər, Qız Qalası və Şirvanşahlar Sarayı, Qobustan Qayaüstü Tarixi - Bədii Landşaft kompleksi, Şəki Xan Sarayı və Şəkinin tarixi mərkəzi).

— Əlaqə

Bakı, küç. Zeynalabdin Tağıyev 7, mənzil 5